“Մենք` Մարդիկ” - Ես Մարդ եմ
<Յավուրյան> ստուդիան երիտասարդ ստեղծագործողների միություն է, որ կամավորական հմունքներով ձևավորված փոքրիկ թիմի միջոցով փորձում է Հայաստանում հատկապես մայրաքաղաքից կտրված մարզերում իրականացնել մեդիա նախագծեր:
2008 թ-ից ես հիմնադրելով այս փոքրիկ միավորումը/որը գրանցված կազմակերպություն չէ/, Հայաստանի Վայոց ձոր մարզում իրականացնում եմ <Ես մարդ եմ > մարդու իրավունքների վավերագրական ֆիլմների փառատոնը: Վերջին երկու տարում այն գործընկեր է գտել ` Եղեգնաձորի «Սոցիալ հոգեբանական կենտրոն» հասարակական կազմակերպությունը և People in Need Czech Republic հասարակական կազմակերպության Caucadoc նախաագիծը, որն աջակցում է վավերագրական ֆիլմերի փառատոնների կազմակերպմանն ու Հարավային Կովկասում վավերագրական կինոարտադրության խթանմանը : Ծրագիրը ֆինանսավորվում է Եվրոպական Միության կողմից:
Ֆինանսավորումը մեծ չէ, սակայն բավականացնում է նվազագույն ծախսեր հոգալու համար, իսկ մյուս կարիքները հոգում ենք կամավորների աշխատանքի և անհատ բարերարների միջոցներով:
Փառատոնի ձևաչափն հետևյալն է. Մարդու իրավունքների մասին ֆիլմերի դիտում և քննարկում, ինչպես նաև զուգահեռ ստեղծագործական ծրագրի իրականացում/ մարդու իրավունքների վերաբերյալ լուսանկարների մրցույթ, պատմվածքների տպագրություն և այլն…/:
Սկզբնական շրջանում ներառվում էին միայն եվրոպական հեղինակների ֆիլմեր հետևյալ հիմնավորմամաբ. ներկայացնել քո երկրի հասարակությանը, քո համայնքին հուզող խնդիրների վերաբերյալ ՝ այլ երկրներում տեղի ունեցած իրավիճակների, դեպքերի մասին ֆիլմեր. Քննարկելով ուրիշի ցավը, որը նման է քո ցավին, բայց քոնը չէ դու ավելի հեշտ ես գտնում լուծումը: Սակայն վերջին շրջանում փառատոնի մասնակիցների ցանկությամբ ներառեցինք նաև կովկասյան հեղինակների ֆիլմեր:
Այս քննարկումները շատ կարևոր էին, այն առումով, որ հայաստանի և Վայոց Ձորի բնակիչները տեսնում էին, որ իրենք միայնակ չեն աշխարհում, որ էլի կան մարդու իրավունքների ամենատարբեր խախտումներ, կոնֆլիկտային, պատերազմական իրավիճակներ: Նրանք դիտելով հեղինակների ֆիլմերը բարձրաձայնում էին սեփական խնդիրները, օրինակ ՝ մեկ այլ երկրում տեղի ունեցած ցեղասպանության մասին խոսելիս, նրանք կարողանում են ավելի սառը դատել՝ իհարկե զուգահեռներ տանելով իրենց պատմության հետ, կամ որևէ երկրում հաշմանդամների/սահմանափակ հնարավորությամբ անձանց/ մասին պատմող ֆիլմից հետո քննարկում են, սեփական տեղական խնդիրները:
Օրինակ, մենք հաջողված պատմություններ ունեցանք վերջին երկու փառատոնների ընթացքում:
Եվրոպական երկրներից մեկում ապրող հաշմանդամների մասին պատմող դոկումենտալ ֆիլմից հետո, դահլիճում, որտեղ ներկա էին և տեղաշարժվելու սահմանափակումներ ունեցող մադրիկ և հրավիրվել էին մարզային իշխանությունների ներկայացուցիչներ, բուռն քննարկում տեղի ունեցավ, և հաշմանդամները ֆիլմի հետ զուգահեռներ տանելով ներկայացրեցին իրենց կարիքները, դրանցից մեկը որոշ ժամանակ անց լուծվեց:
Հաշմանդամներին տրամադրվեց, տեղաշարժման խնդիր ունեցողների համար մատչելի տարածք՝ այնտեղ ժամանցի և նաև խնամքի կենտրոն ստեղծելու նպատակով:
Աուտիզմ ունեցող երեխայի մասին մեկ այլ եվրոպական ֆիլմ ցուցադրելիս հրավիրել էինք, աուտիզմ ունեցող երեխայի ծնողի, ով իր հետ առաջին հանգամ հասարակական վայր էր բերել իր երեխային: Քննարկման արդյունքում և հասարակությունը և ծնողը հասկացավ երեխային լիարժեք կյանքով ապահովելու համար անհրաժեշտ արվելիք քայլերը: Հրավիրված մասնագետ հյուրի միջոցով երեխայի հետ աշխատելու համար հատուկ մասնագետի և կառույցների դիմելու պայմանավորվածություն ձեռք բերվեց: Առաջին անգամ այդ քաղաքաի հասարակությունն իմացավ, որ իրենց կողքին էլ կարող են ապրել և ապրում են աուտիկ մարդիկ:
Ցուցադրվել են ֆիլմեր, պատերազմական գոտիների, կոնֆլիկտների, միգրացիայի, բնապահպանական և այլ խնդիրների մասին: Ֆիլմները հանդիսանում են կարևոր տեղեկատվական աղբյուր, մարզի բնակիչների համար:
2013թ.-ի աշնանաը փառատոնը սկսեցինք ցուցադրել, ոչ միայն մարզկենտրոն Եղեգնաձորում , այլև գյուղական համայնքներում: Առաջին ցուցադրությունը սկսեցինք սահմանամերձ Խաչիկ գյուղից, որտեղ պատանիներն ու երիտասարդները ֆիլմերը դիտելուց հետո իրենց երկրի իշխանություններին ուղղված առաջարկ ստեղծեցին, սահմանամերձ գյուղի կյանքն ավելի հետաքրքիր ու ավելի ապահով դարձնելու համար: Աշխատատեղեր ստեղծելու մշակութային ու կրթական ծրագրեր իրականացնելու հնարավորությունները մեծացնելու տարբերականեր առաջարկեցին:
Օրինակ 16 ամյա Աննան ասաց, որ ինքը երազում էր դաշնակահար դառնալ, բայց քանի որ գյուղում չի եղել համապատասխան մասնագետ և կրթօջախ, նա այլ մասնագիտություն է ընտրել.
- Ես հիմա իշխանություններին մեր գյուղում մշակութային կրթօջած ստեղծելու առաջարկ եմ անում, որ ուրիշ երեխաների երազանքները չմնան անկատար ինչպես իմ երազանքը:
Քանի որ Վայոց Ձորում գրեթե չկան ԶԼՄ-ներ, մեր փառատոնը դառնում է ավելին, քան միայն դոկումենտալ ֆիլմերի ցուցադրություն: Փառատոնի միջոցով վեր են հանվում հասարակությանը հուզող խնդիրներ, ստեղծվում են նոր կապեր, նոր գաղափարներ ու առաջարկներ խնդիրները լուծելու համար : Որևէ խնդիր լուծելու համար նախ պետք է այն բարձրաձայնել, քննարկել և մշակել լուծման տարբերակներ՝ մասնակից դարձնելով հենց հասարակության անդամներին:
Փառատոնի պարբերականությունը շատ կարևոր է, որոհետև այն դրդում է մարդկանց մտածել, քննարկել, բարձրաձայնել խնդիրներն ու կարծիքները և լուծման տարբերակներ փնտրել:
Մենք՝ մարդիկ , կարող ենք ավելի լավը դարձնել մեր մոլորակը:
https://www.facebook.com/groups/116212341906215/photos/
http://southcaucasus.com/old/index.php?page=publications&id=2263